“Монтреал е втор најголем град во Канада и нормално е ОМД да ги прошири своите акстивности и во регионот на Монтреал,” вели членот на управниот одбор и директор на Канада, Џим Даикос. “Александра се приклучува на тимот на ОМД во вистинско време, и уверен сум дека таа значително ќе придонесе за продобрувањето на Канадско-Македонските односи, и ќе и даде глас на македонската заедница во Монтреал.”
“Почестена сум што ја заземам оваа нова улога во огранокот на ОМД во Канада,” вели Настеска. “ОМД е почитувана организација во Канада и во светот, и со нетрпение очекувам да работам на унапредување на македонската кауза, како и да служам во име на интересите на канадско-македонската заедница.”
Александра Настеска е родена во Скопје каде за првпат на четиринаесет годишна возраст се инволвирала за женските права учествувајќи на панели во организација на Обединетите Нации.
Го започнала своето стратешко планирање како и развивање на своите способности за односи со јавноста додека работела како кореспондент и асистент продуцент на програми за млади за националната телевизија, и креативен соработник во познатите маркетинг агенции како што се Саачи и Саачи, МкКан Ериксон и Огилви и Матер.
Нејзините последни ангажмани вклучуваат ко-основање и делување во својство на комуникациски директор на кампањата за Земјиниот Самит 2012, Ние Канада; основач на старт-апот Vancouver Heartbeat; член на Комитетот при Обединетите Нации за Животна средина за конференцијата Тунза 2011 година; како и говорител на 12 универзитети во Канада при турата Дијалози и Акција за Земјиниот Самит 2012 година. За време на оваа тура, Александра го претстави Д-р Дејвид Сузуки, Џин Сауве, Деси МкГро и меѓународниот автор и активист Северн Кулис-Сузуки.
За да дознаете повеќе за Александра, Ве молиме посетете го нејзиниот блог: http://www.iamaleksandra.com
Основана во 2008 година, огранокот на Обединетата македонска дијаспора во Канада е регистрирана канадската добротворна организација која ги преставува интересите и потребите на канадско-македонската заедница.