ЗА ИТНА ОБЈАВА: 

Контакт:

Марина Вељјановска

Телефон: (202) 459-8966

E-mail: This e-mail address is being protected from spam bots, you need JavaScript enabled to view it
 

Обединетата Македонска Дијаспора (ОМД) сака да го искаже своето задоволство околу формирањето на Групата за Македонски прашања и интереси во Конгресот на Соединетите Американски Држави. Формирањето на оваа група е директен резултат на повеќемесечните активности на ОМД во Конгресот, каде наши членови во изминатиот период остварија состаноци со претставници на над 80 конгресмени и сенатори. 

Иницијативата за формирање на ваква група потекнува од 2005 година кога се направија и почетните контакти со членовите на Конгресот. За успешно остварување на целта да се формира група во Конгресот која ќе расправа и лобира за македонските интереси, раковдството на ОМД ги синхронизираше своите дејности со тие на  македонската Амбасада во САД. За успешна реализација на овој проект помогнаа и организации и лица од македонските заедници во Њу Џерси, Индијана, Мичиген и Флорида, меѓу кои инструментални беа придонесите на господинот Славко Маџаров, почесен Конзул на Република Македонија во Њу Џерси и господинот Лу Влашо, почесен Конзул на Република Македонија во Флорида. 

Обединетата македонска дијаспора е особено благодарна за поддршката на Конгременот Бил Паскрел од Њу Џерси и Конгресменот Марк Саудер од Индијана кои се согласија заеднички да ја предводат групата. 

Како и досега, ОМД ќе продолжи да вложува интензивни напори за информирање на клучни луѓе во американската администрацијата и членови на законодавните тела во САД за прашања од интерес за македонските американци, македонските заедници ширум светот и Република Македонија. Во таа насока, претседателот на ОМД, господинот Методија Колоски заедно со македонскиот Амбасадор во САД , господинот Зоран Јолевски, и членовите на групата на крајот на јули ќе оддржат брифинг во Конгресот за да ги презентираат македонските ставови наспроти обвинувањата од грчката страна  дека Македонија шири антигрчка кампања и да разговараат за билатералните односи помеѓу Република Македонија и САД. 

# # #

--------------------------------------------------